Wo kehte hain mein pagal hoon!!

Ek nihathe ko teen chaar gunde milke maarte hain !

Aur kehte hain mein pagal hoon !!

Ek pada likha ladka dahej mangta hai !

Aur kehte hain mein pagal hoon !!

Ek ladki ke paida hone par usse maar diya jaata hai !

Aur kehte hain mein pagal hoon !!

Boodhe maa baap ko ghar se nikalke ashram mein daal diya jaata hai !

Aur kehte hain mein pagal hoon !!

Maine kisi ko nahin maara !

Maine kisi ko dukhi nahin kiya !

Sirf thoda dimag se kamjor hoon !

Baat karte waqt mere honth hilte hai !

Mujhe barobar kuch yaad nahin rehta !

Kya mein sach mein pagal hoon?