Subah apne aas paas !

Jab halki saansein mehsoos hoti hain !!

Suraj ke dikhne se pehle !

Jab apni parchai ki ek jhalak dikh jaati hai !!

To mano chidate hue, Dil kehta hai, Jee Le !

Jeene ki wajah mil gayi hai tujhe !!

Daftar mein kaam karte waqt ek-do baar !

Jab ghar se phone aata hai !!

Phone pe baat karne waali wo masoom si awaaz.!

Jab pyaar se “Arre Papa” keh uthti hai !!

To muskurate hue, Dil kehta hai, Jee Le !

Jeene ki wajah mil gayi hai tujhe !!

Sham ko ghar lautte hi !

Jab darwaaze ke saamne wo dikhti hai  !!

Mujhe ghutnon pe baithne par mazboor kar !

Jab wo apni choti si baahein mere gale mein daal deti hai!

To jalte hue, Dil kehta hai, Jee Le !

Jeene ki wajah mil gayi hai tujhe !!

In zindagi se bhare hue lamhon mein jeete hue !

Dil ki baat maan lene ko jee karta hai !!

IsLiye kabhi kabhi !

Apne aap se !!

Man hi man ye keh uthta hoon, Jee Le !